विदेशी निवासी सहायता केन्द्र

• परामर्श काउन्टर
• सम्पर्क
• सम्पर्क ठेगाना
• बारम्बार सोधिने प्रश्नहरू
• परामर्श आदिको वर्तमान स्थिति
• जनसम्पर्क कागजात तथा भिडियो
• लिंक संग्रह

FRESC (विदेशी निवासी सहायता केन्द्र) मा FRESC भित्रका विभिन्न निकायहरूसँग मिलेर तपाईंलाई परेका समस्याहरू सुनेर समाधानमा मद्दत पुग्ने मार्गहरू देखाइन्छ।

FRESC (विदेशी निवासी सहायता केन्द्र) भनेको जापानमा बसोबास गरी विभिन्न गतिविधिहरूमा सक्रिय रहेका सम्पूर्ण विदेशी नागरिकहरूलाई मद्दत गर्ने निकाय हो। विदेशी नागरिकहरूले विभिन्न क्षेत्रका समस्याहरूबारे सम्बन्धित निकायहरूसँग छुट्टाछुट्टै परामर्श लिइरहनुभएको छ। तर FRESC मा 4 मन्त्रालय र 8 निकायहरू एकै तलामा जम्मा भएका छन् र यी मन्त्रालय र निकायहरूले एकअर्कासँग समन्वय गरी, एकै तलामा सम्पूर्ण विदेशी नागरिकहरूलाई विस्तृत परामर्श सेवा प्रदान गर्दछन्। संकोच नमानीकन परामर्श गर्न आउनुहोस्। साथै विदेशी नागरिकहरूलाई रोजगारी दिन चाहने कम्पनीहरूको सहयोग आदि पनि गरिन्छ।

उदाहरणको लागि...

• निवास योग्यताको चिन्ता (टोक्यो इमिग्रेशन ब्यूरो) [1 नम्बर थिच्नुहोस्]
  
  • अध्यागमनको प्रक्रिया वा कागजातबारे थाहा पाउन चाहेमा
  • आफ्नो निवास योग्यतामा कस्तो काम गर्न सकिन्छ भन्ने कुरा थाहा पाउन चाहेमा
• श्रमसँग सम्बन्धित चिन्ता (टोकियो लेबर ब्यूरो विदेशी विशेष परामर्श / समर्थन कक्ष) [2 नम्बर थिच्नुहोस्]
• काम खोज्न चाहेमा (टोकियो विदेशी नागरिक रोजगार सेवा केन्द्र) [3 नम्बर थिच्नुहोस्]
• मानव अधिकारको चिन्ता (टोकियो कानूनी मामिला ब्यूरो मानव अधिकार संरक्षण विभाग) [4 नम्बर थिच्नुहोस्]
  
  • कार्यस्थल, विद्यालय वा समुदायमा तपाईंमाथि इजिमे (तर्साउने, हेप्ने आदि गरी पीडा दिइने कार्य) भइरहेको खण्डमा
  • तपाईंमाथि दुर्व्यवहार भइरहेको खण्डमा
• प्रवेश आज्ञाको चिन्ता (परराष्ट्र मन्त्रालय भिसा जानकारी) [5 नम्बर थिच्नुहोस्]
  • विदेशमा भएको परिवारलाई जापानमा बोलाउन चाहेमा
• कानुनी चिन्ता (होउतेरासु) [6 नम्बर थिच्नुहोस्]
  
  • सम्बन्ध विच्छेद, घरेलु हिंसा, ऋण, ट्राफिक दुर्घटना, बर्खास्त जस्ता चिन्ताबारे परामर्श गर्न चाहेमा
• आफ्नो अध्यागमन रेकर्ड चाहेमा (आप्रवास निवासी नियन्त्रण विभाग) [डाइरेक्ट लाइन: 03-5363-3005]
  आदि

• निःशुल्क परामर्श गर्न सकिन्छ।
• परिचय नखुलाई परामर्श गर्न सकिन्छ।
• केन्द्रमा भएको प्रत्येक निकायको काउन्टरहरू एकै तलामा जम्मा गरिएको छ
• FRESC को कर्मचारीहरू एकै ठाउँमा काम गर्ने हुनाले तुरुन्तै अर्को कर्मचारीलाई बाँकी कामको जिम्मा वा जानकारी हस्तान्तरण गर्न सकिन्छ
• परामर्श विवरण अनुसार केन्द्रमा भएका निकायहरू एकै ठाउँमा जम्मा भई वा अर्को कर्मचारीलाई बाँकी कामको जिम्मा दिई निरन्तर परामर्श सेवा प्रदान गरिन्छ

विदेशी नागरिकलाई रोजगार दिइरहनुभएका अथवा सहयोग गरिरहनुभएका सम्पूर्णको लागि

FRESC मा 4 मन्त्रालय र 8 निकायहरूले एकै तलामा निवास योग्यता नवीकरण वा परिवर्तन, श्रम सम्बन्धित कानुन, VISA प्राप्ति र जापान प्रवेश प्रक्रिया, कानुनी समस्या, मानव अधिकार आदिसँग सम्बन्धित परामर्श, उन्नत विदेशी म्यान पावर र अन्तर्राष्ट्रिय विद्यार्थीहरूको स्वीकृति वातावरणको प्रवर्द्धन तथा रोजगार सहयोग स्वीकृति प्रवर्द्धन आदि गरिरहेका छन्।
केन्द्रमा भएको प्रत्येक निकायले एकअर्कासँग समन्वय र सहकार्य गर्ने हुनाले, परामर्श विवरण अनुसार केन्द्रमा भएका बहुसंख्य निकायहरू एकै ठाउँमा जम्मा भई परामर्श दिने र त्यो भन्दा पहिले परामर्श लिएको केन्द्रमा भएको अन्य निकायहरूबाट बाँकी कामको जिम्मा वा जानकारी लिन सकिने हुनाले परामर्श लिने व्यक्तिको भार कम गर्न सकिन्छ।
साथै उन्नत विदेशी म्यान पावरको उपयोग गर्ने साना र मध्यम आकारका उद्यमीहरूलाई सहयोग सेवा आदि पनि प्रदान गरिन्छ (जापान ट्रेड प्रमोशन संगठन)।
[नावी डायल　0570-011000 7 नम्बर थिच्नुहोस्]

FRESC भित्रका निकायहरू एकै ठाउँमा जम्मा भई उचित रूपमा बाँकी कामको जिम्मा वा जानकारी हस्तान्तरण गरी तपाईंको समस्याहरू सुनेर समाधानमा मद्दत पुग्ने मार्गहरू देखाइन्छ।

एकै ठाउँमा जम्मा हुने (उदाहरण)

	FRESC टोक्यो अध्यागमनमा फोनद्वारा परामर्शको लागि नाम लेाखाउने		・समस्या वर्गीकरण ・एकै ठाउँमा जम्मा हुन अनुरोध	FRESC भित्रका सम्बन्धित निकायहरू एकै ठाउँमा जम्मा हुने जिम्मेवारी विभाजन गरेर समस्या सुनेर समाधानमा मद्दत पुग्ने मार्गहरू देखाइन्छ

टोक्यो इमिग्रेशन ब्यूरोले जापानमा बसोबास गर्ने विदेशीहरू र विदेशीहरूलाई रोजगार दिन चाहने व्यावसायसँग सम्बन्धित व्यक्तिहरू आदिलाई रिजर्भेसन प्रणाली अनुसार व्यक्तिगत परामर्श प्रदान गर्दै आइरहेको छ।
प्रत्यक्ष भेट (FRESC मा प्रत्यक्ष आएर परामर्श) र अनलाइन मध्येबाट कुनै एक परामर्श विधि चयन गर्न सकिन्छ।